المساعد الشخصي الرقمي

مشاهدة النسخة كاملة : اللقاء الأول لنساء قبيلة آل بن علي



أمل قبيلة آل بن علي
25-05-2008, 09:35 AM
حبيت أعيد وضع الموضوع من بعد ما انفقد للي ما قراه أو ما درى عنه :think3:

إخواني وأخواتي،،،


السلام عليكم ورحمة الله وبركاته،،،


كيف حالكم؟ سامحوني، أدري إني من زمان ما بينت بالمنتدى وإني مقصره بحقكم بس شنسوي هاذي حال الدنيا غياب وحضور :happy3:


حبيت أنقل لكم أهم ما دار باللقاء الأول لنساء آل بن علي واللي كان يوم أمس الخميس الموافق 15 مايو الساعة 8 مساءً بمجلس آل بن علي بالمحرق.


بدايةً ، أعتذر بالنيابة عن الجماعة اللي نظمت اللقاء وعن نفسي لأني متأكدة إن كثير منكم ما كان عندهم فكرة عن اللقاء. اللقاء تم الاعلان عنه عن طريق المسجات واللي تواصلت بها عدد من الأخوات ونظراً لعدم وجود قاعدة لبيانات نساء القبيلة فقد تم بالأمس تسجيل أسماء الحضور وأرقام الاتصال بهم للتواصل معهم في اللقاءات القادمة.


اللقاء كان موجه لجميع نساء القبيلة نسباً أو مصاهرتاً وكان عدد الحضور التقريبي ما بين 30 - 40 شخص، وبصراحه استمتعت بحضوري لأني تعرفت على اخوات جدد واللي من بينهم ناس اكتشفت انها تقرب لي وشفت صديقاتي اللي من سنين ما شفتهم. :friends3:


أهم ما تم الاتفاق عليه هو أن يتم تنظيم عدد من اللقاءات القادمة وبشكل دوري حيث سيتم الاتفاق على الفترة الزمنية لهذه اللقاءات. كما سيتم تنظيم لجنة نسائية للقبيلة ولجنة أخرى خاصة بمؤسسة آل بن علي الخيرية على غرار اللجان الحالية والتي يتابعها رجال القبيلة.


وقد أبدت الأخوات في اللقاء عن أملهم في زيادة التواصل بين نساء القبيلة وأن نسعى لأن تكون هناك لقاءات نسائية خليجية للقبيلة كما حدث في السابق في الدمام والبحرين والكويت وفي قطر مستقبلاً.


هاذي مختصر للي دار بالأمس والسموحة مرة ثانية إني ماقدرت أخبركم باللقاء عن طريق المنتدى بس للعلم وضعت مقترح للجماعة إنهم يعلنون عن أي لقاءات أخرى في منتدانا وبإذن الله أكون أول وحده تعلن عنه المرة القادمة.
:think3:

Subah
25-05-2008, 12:32 PM
الله يعطيج العافيه اختي على اعادة الموضوع للنشر و بصراحة هذا من المواضيع المهمة الي كنت اتمنى رجوعه بعد عملية استرجاع المنتدى و ان شاءلله مثل ما قلتي في المرات القادمه يتم الاعلان مسبقاً لمثل هذه الاجتماعات.

حرم البنعلي
25-05-2008, 03:38 PM
جزاج الله خير

Abdulla
25-05-2008, 04:29 PM
يعطيج العافيه يا الشيخه على الموضوع ما قصرتي
و مثل ما قلنا قبل احنه حاضرين حق أي خدمه للمرات القادمه بإذن الله =)

zyan
06-06-2008, 02:13 AM
هلا اختي امل بس اذا ما عليج امر حبيت توضحين اكثر عن هاللقاء من حيث مواضيعه الي بتناقشون فيها والوقت وهالسوالف يعني واكون شاكرة لج مقدمن.

*قطوهـ*
06-06-2008, 11:46 PM
وااااو وناسه انا من زمان اتمنى ان يكون في لقاء لنساء القبيله :)
ومشكوره اختي ع الاعلان يالغاليه :):):)

لا تعليق
09-06-2008, 01:38 PM
يعطيج العافيه على هذى المعلومات القيمه والتى اظن فى الاغلب نساء القبيله مايدرون عنها

وياريت تزيد هذى الاجتماعات بينى النساء بالقبيله بعد التشتت اللى احنه فيه نرجع يد وحده

والمشكله انا مب متزوج بس راح اخبر اللى يقربون لى

وشكرا الصراحه على هذى الموضوع الروعه

تحياتى

اسلميه
13-06-2008, 09:10 AM
لو تكرمتي تعلمينا بموعد اللقاء الجاي حتى نكون معاكم ومشكوره

أمل قبيلة آل بن علي
09-07-2008, 09:24 AM
يعطيج العافيه على هذى المعلومات القيمه والتى اظن فى الاغلب نساء القبيله مايدرون عنها

وياريت تزيد هذى الاجتماعات بينى النساء بالقبيله بعد التشتت اللى احنه فيه نرجع يد وحده

والمشكله انا مب متزوج بس راح اخبر اللى يقربون لى

وشكرا الصراحه على هذى الموضوع الروعه

تحياتى

الله يعافيك اخوي ، ممكن يحضرون خواتك أو بنات العيله مو شرط الزوجات أو كبار السن .... وتسلم ع المرور الأروع :)


لو تكرمتي تعلمينا بموعد اللقاء الجاي حتى نكون معاكم ومشكوره

فالج طيب يالغالية :)







وااااو وناسه انا من زمان اتمنى ان يكون في لقاء لنساء القبيله :)






ومشكوره اختي ع الاعلان يالغاليه :):):)


العفو حبيبتي وان شاء الله نشوفج المرة القادمة :)



هلا اختي امل بس اذا ما عليج امر حبيت توضحين اكثر عن هاللقاء من حيث مواضيعه الي بتناقشون فيها والوقت وهالسوالف يعني واكون شاكرة لج مقدمن.

هلا وغلا اختي ، بحكم إن اللقاء كان أول مرة يصير على مستوى نساء القبيلة فأكثر اللي انطرح هو الرغبة في عقد لقاءات أخرى بحضور عدد أكبر من المدعويين بالإضافة إلى إنشاء لجان إدارية وتنظيمية نسائية على غرار اللجان الحالية والتي يديرها رجال القبيلة (أي تونا في بداية المشوار) وكان في مسابقة صغيره للحضور لكسر الثلج على ما يقولون (Breaking the ice) هههههه :toothbrush:

إن شاء الله راح اخبرج بالموعد القادم متى ما عرفت عنه ، انتظري مني خبر :)


يعطيج العافيه يا الشيخه على الموضوع ما قصرتي
و مثل ما قلنا قبل احنه حاضرين حق أي خدمه للمرات القادمه بإذن الله =)

ندري فيكم ما تقصرون.....تسلم ياخوي على المبادرة الطيبة :)


جزاج الله خير

أجمعين بإذن الله اختي :)


الله يعطيج العافيه اختي على اعادة الموضوع للنشر و بصراحة هذا من المواضيع المهمة الي كنت اتمنى رجوعه بعد عملية استرجاع المنتدى و ان شاءلله مثل ما قلتي في المرات القادمه يتم الاعلان مسبقاً لمثل هذه الاجتماعات.

الله يعافيك اخوي والشكر موصول أولاً وأخيراً لاخوي عبدالله على استرجاع الموضوع :)

وبإذن الله راح يوصلكم مني خبر عن المرات القادمة :)

عزّ آل بن علي
14-07-2008, 10:34 PM
:eyes::eyes:

ماصدق !

ماكنت ادري والله ... كلش ماكان عندي فكره !! ولا جاان اكييد انا اول وحده اهنـــاك :clap:

المفترض ايكون في لقـــــاء ثاني قريب جدا !!

لان الصراحه حدي متحمسه و ودي ألاقي البنات قرايبي من البنعلي :ok:

مشكوره اختي على الموضوع !! واذا صار اي اقتراح حق اللقاء بليـــز خبروني

:ok2:

زينة البنعلي
21-07-2008, 06:00 PM
الله يجزاك خير

أمل قبيلة آل بن علي
25-08-2008, 11:40 AM
الله يجزاك خير


أجمعين يالغاليه وتسلمين على المرور :)



:eyes::eyes:

ماصدق !

ماكنت ادري والله ... كلش ماكان عندي فكره !! ولا جاان اكييد انا اول وحده اهنـــاك :clap:

المفترض ايكون في لقـــــاء ثاني قريب جدا !!

لان الصراحه حدي متحمسه و ودي ألاقي البنات قرايبي من البنعلي :ok:

مشكوره اختي على الموضوع !! واذا صار اي اقتراح حق اللقاء بليـــز خبروني

:ok2:

إن شاء الله يكون في لقاء ثاني قريب ونشوفج فيه :think3:

الزينة
25-08-2008, 01:36 PM
جزاج الله خير اختي

انا رحت وكان لقاء حلو

أمل قبيلة آل بن علي
27-08-2008, 02:15 PM
أجمعين يالطيبه وحسافه ما عرفناج يومها ، إن شاء الله المره اليايه :think3:

Hitmi
27-08-2008, 04:48 PM
اختي \ امل قبيلة ال بن علي
هل حضر هذا اللقاء لاول لنساء قبيلة ال بن علي

نساء من ال بن علي من خارج البحرين مثل قطر \ السعوديه \ الكويت \ الامارات

ريــم الفــلا
28-08-2008, 12:08 AM
شي حلووو ان اللقاء الاول تم ..

انا سمعت ان في ناس ناوين يسون لقاء نساء ال بن علي بالسعوديه ويمعون حريم ال بن علي من البحرين و قطر و الامارات قد ما يقدرون و يمعون ارقامهم فانشاالله يتم اللقاء الثاني بعد ..

مشكوووره على هالخبر

أمل قبيلة آل بن علي
06-09-2008, 09:30 PM
اختي \ امل قبيلة ال بن علي
هل حضر هذا اللقاء لاول لنساء قبيلة ال بن علي

نساء من ال بن علي من خارج البحرين مثل قطر \ السعوديه \ الكويت \ الامارات

ما عندي فكره اخوي هتمي لأن الكثير من الحضور ما كنت اعرفهم من قبل بس اتوقع ان الجميع من البحرين لأن الخبر ما وصل للكل :)


شي حلووو ان اللقاء الاول تم ..

انا سمعت ان في ناس ناوين يسون لقاء نساء ال بن علي بالسعوديه ويمعون حريم ال بن علي من البحرين و قطر و الامارات قد ما يقدرون و يمعون ارقامهم فانشاالله يتم اللقاء الثاني بعد ..

مشكوووره على هالخبر

يا ليت والله اتمنى يصير هالشي ونسمع عنه ... تسلمين على هالخبريه اختي :)

الزينة
14-09-2008, 08:16 PM
أجمعين يالطيبه وحسافه ما عرفناج يومها ، إن شاء الله المره اليايه :think3:


كنت يالسة ع اول كرسي ع اليمين

أمل قبيلة آل بن علي
22-09-2008, 08:34 PM
كنت يالسة ع اول كرسي ع اليمين

حسافه والله كل اللي أذكرهم هم اللي كانو بالواجهة أول ما تدخلين واللي على اليسار أما اللي على اليمين فما أذكرهم :sad2:
آنه كنت على اليسار مشاهده اللي نظموا اللقاء :think3:
معليش مرة ثانية نتواعد على أماكن معينه ولا نمسك معانا شي فكل وحده فينا تعرفها الثانية يعني مثلاً نمسك وردة حمره ولا منديل شرايج؟؟ مال أول لا :laugh2: