المساعد الشخصي الرقمي

مشاهدة النسخة كاملة : أكشف قناع العضوه المميزه صوغات



البنعلي100%
10-07-2008, 08:25 AM
بسم الله الرحمن الرحيم





احبتي واصدقائي اعضاء منتدى قبيلتنا ال بن علي
تحيه طيبه ... وبعد..




نطل عليكم من خلال هذه الزاويه الجديدة
http://www.al-wed.com/pic-vb/899.gif



وذلك تقديراً للعضو مميز لدينا في المنتدى



تم اختياره بناءً عل



تميزها الواضح بالمواضيع أو الردود بشكل عم وهو العضو المميز



صـوغـات



http://www.al-wed.com/pic-vb/899.gif




هذا الموضوع لن يكون اسبوعي ولا شهري



وانما حسب ما يراه الاشراف ...




http://www.al-wed.com/pic-vb/899.gif



هنا نفتح المجال للأعضاء لطرح الاسئله عليه



وسيكون ضيفاً كريماً



ثم سيتم الاغلاق الموضوع بعد ثلاث اسابيع من انشاءه




http://www.al-wed.com/pic-vb/899.gif
مع العلم بأمكان اي عضو ان يكون



ضيف شرف من خلال تميزه في المنتدى



بالمواضيع والردود ذات فائده وبالتوفيق للجميع




http://www.al-wed.com/pic-vb/899.gif


تقبلوا منا خالص تحيه
طاقم الاشراف

زهور المحبه
10-07-2008, 02:48 PM
يا هلا وغلا فيج اختى صوغات منور الكرسي فيج

عندي لج كم من سؤال

اول شي البطاقه الشخصيه؟

1_شنو احلامك

2_تحبين المدرسة

3_احسن عضو

4_احسن عضوه

5_مين اقرب انسان لج

6_اخر مره بكيتي متى او ليش

7_كم وزنك

8_شنو اكثر شي تحبينة

ان شالله ما ثقلت عليج بالاسئله

لي رجعه ان شالله


يعطيك العافيه اخوي البنعلي على الاختيار

صوغات
11-07-2008, 01:19 AM
أول شي أحب أشكر طاقم الإشراف على إختيارهم لي .. ولي الشرف والله الجلوس على كرسي الإعتراف بما إنه الإختيار يتم على أساس التميز في المنتدى << إستانست حست إنها عضوه فعاله :D

ـــ

وثاني شي أحب أشكر إختي زهور المحبه على إفتتاحها للأسأله


اول شي البطاقه الشخصيه؟

الإسم: ....
مواليد: 21\10\1988
المؤهل الدراسي: بكالوريوس علوم سياسيه
الحاله الإجتماعيه: عزباء :p
الهوايه: كتابه الشعر و القراءه ووايد أشياء غير

<< عبالها البطاقه الذكيه :D

1_شنو احلامك

والله عندي أحلام كثيره أهمها إني أكمل دراستي و أحصل على الدكتوراه و أصيره وزيرة أو على الأقل سفيرة :glasses2: وثاني شي إني أكوّن إسرة صغيره و على مزاجي << لا تضحكون علي :p

2_تحبين المدرسة

إي والله أحبها و أشتاق لها

3_احسن عضو

والله كل الأعضاء حليوين و طيبين و إخواني وعمرهم ما ضروني :)

4_احسن عضوه

كل العضوات زينين .. بس إذا تقصدين أقربهم لي فعندج: بروق ـ الجتبيه ـ أم علي ـ بنعليه ـ بنت^الكويت ـ حصوصه

5_مين اقرب انسان لج

أقرب إنسانه "أمي" الله يخليها لي و يطوّل بعمرها

6_اخر مره بكيتي متى او ليش

من يومين تقريبا وحده غثتني بكلامها حسبي الله عليها ــ يودت روحي جدامها بس يوم رديت البيت ما إستحملت وصحت :sad2:

7_كم وزنك

ما أعلم :p

8_شنو اكثر شي تحبينة

أحب أشياء وايد من ضمنها التيمع مع الأهل و اني أكون دايما قريبه منهم


مشكوره مره ثانيه على الأسئله و أي سؤال ثاني أنا حاضره :)

بنعلية ولي الفخر
11-07-2008, 01:43 AM
ياهلا والله بالغلا كله.... تو مانور الكرسي... خذي راحتج بالقعدة وخذي نفس وبسم الله نبدأ :glasses2:

*شرايج بمنتديات قبيلة آل بن علي؟
*مين اللي دلّج على منتديات قبيلة آل بن علي؟
*عندج 4 وردات لمين تهدينهمـ من الأعضاء؟
*موقف تمنيتي الأرض تنشق وتبلعج عشانه؟
*بشنو يشعرج بكــــاء الطفل؟
*لمين تعطين الألقاب هذي:
- قلم مميز
- مشرف مميز
- عضو نشيط
- عضو مرح
- عضو متألــــق
*شخص ماترفضين له طلب؟
*شنو أجمل هديــة ياتج؟
*كنتِ في بيت وصار فيه حريقة مين اول واحد من الأعضاء بتطلعيه وبتنقذينه ؟؟ بكل صراحة؟؟ :D
*أغلى نصيحة سمعيتها؟ ومن مين؟

وسلامتج حبيبتي... سامحينا اذا طولنا عليج

حصوصه
11-07-2008, 01:59 AM
هـلا حبيتبي .. مـنـورهـ .. :D

آسـالتـي ..

مـاهـي الوظيفه التي تتمنينها .. ؟!
ماهو الهدف الي تبغين توصلين له .. ؟!
مـتى يـقسى قلبـ صـوغاتـ .. ؟!
كيـف تواجهين من يـخطئ عليك بتهمـهـ آو كـذبـ .. ؟ّ
يـقال انـ ( الحقيقهـ مـرهـ ) هـل وآجهتـي هذه المقـولـهـ .. وآيش هو الموقف .. ؟!
ميـن اول عضـو تعرفتـي عليـهـ .. ؟!
تحبيـن المغـامـرهـ .. وليـهـ .. ؟!
مـاهـو آكثـر شـي تفكرين فيـهـ .. ؟!
مـاذا تعنـي لك هالألـوان ..
آحـمـر
آسـود
آزرقـ
آخضـر

Doctora
11-07-2008, 03:12 AM
هلا وغلا بصوغات ..
حبيبتي شلونج؟؟ مستعده؟؟
لووول نبدي بالأسئله:

1_حكمتج المفضله:

2_اجمل ايام الاسبوع عندج:

3_اجمل دوله سافرتي لها:

4_خبر سمعتيه وفرحتي:

5_ماجمل اسم من الإناث:

6_ماجمل اسم من الذكور:

7_لونج المفضل:

8_احلى مراحل عمرج:

9_اجمل هديه حصلتي عليها:

وسامحيني على الإطاله والأسئله :)

صوغات
11-07-2008, 03:46 AM
ياهلا والله بالغلا كله.... تو مانور الكرسي... خذي راحتج بالقعدة وخذي نفس وبسم الله نبدأ

يا هلا والله ببنعليه شيخه البنات .. منور بوجودك الغاليه


*شرايج بمنتديات قبيلة آل بن علي؟

والله بكل صراحه منتدى أكثر من حلو وغالي علي و أكثر منتدى أشارك فيه و أرتاح فيه و مثل ما قلت من قبل أعتبره بيتي الألكتروني :p بس هاليومين أحس فيه ركود شوي و الأعضاء ما قاموا يشاركون فيه مثل قبل

*مين اللي دلّج على منتديات قبيلة آل بن علي؟

وحده من الأهل هي اللي علمتني بالمنتدى .. وزين ما فعلت :)

*عندج 4 وردات لمين تهدينهمـ من الأعضاء؟

أول ورده أهديها لإخواني بو محمد و بوحمد على جهودهم الفعاله في المنتدى
والثانيه لج ولحصوصه
والثالثه لبروق
والرابعه لأخوي بن درباس

*موقف تمنيتي الأرض تنشق وتبلعج عشانه؟

والله مواقف وايد تمنيت فيها إن الأرض تنشق و تبلعني :D باذكر لج واحد منهم: مره كنت ويا بنت عمي في مطعم "مون سون" اللي في العدليه جان تعرفينه .. وكانوا قاعدين في الطاوله اللي يمنا شباب وقاطين ويوههم عندنا .. المهم تعشينا و خلصنا ويابوا الفاتوره عاد أنا وبنت عمي تمينا إنتعايا على الدفع و أنا أحلف وهي تحلف الزبده أنا اللي غلبت و طقيت الصدر بادفع .. فتحت بوكي إلا مافيه فلوس :laugh2: توهقت وطبني العرق من الفشيله و المشكله الشباب كانوا حاطين بالهم لنا وتموا يعلقون ويتطنزون حسبي الله عليهم .. أحمد ربي إن البطاقه كانت وياي ودفعت بها :winner3:

*بشنو يشعرج بكــــاء الطفل؟

ما تصورين شكثر يعورني قلبي لين أجوف ياهل يصيح ما أستحمل :sad2:

*لمين تعطين الألقاب هذي:

- قلم مميز: هتمي و البنعلي 100%

- مشرف مميز: بن درباس و بنعليه و حصوصه

- عضو نشيط: مخاوي الليل و حرم البنعلي

- عضو مرح: أم علي و بو حمدان

- عضو متألــــق: sai وهتمي و بروق

*شخص ماترفضين له طلب؟

الوالده الله يسلمها و يحفظها

*شنو أجمل هديــة ياتج؟

هدايا وايد ياتني و فرحتني بس الهدايا أكثر شي تفرح اليهال أكثر من الكبار و أنا فرحت لما أبوي ياب لي موبايل أذكر كنت صغيره يمكن في الصف الخامس و ذيج الحزه محد يحط موبايل الا البزنز مان مب مثل ألحين من هب ودب :p
وإستانست بعد لما سووا لي حفله تخرج مفاجأه ويابوا لي هدايا كلهم عجبوني

*كنتِ في بيت وصار فيه حريقة مين اول واحد من الأعضاء بتطلعيه وبتنقذينه ؟؟ بكل صراحة؟؟
صج صج باطلع بنت^الكويت لأنها صغنونه :pacifier: لوووول هذي إذا ما أطلقت ساقاي للريح وما ساعدت أحد :D

*أغلى نصيحة سمعيتها؟ ومن مين؟

كانت من الوالده تنصحني فيها إني أبتعد عن وحده من البنات والحمدلله إبتعدت عنها قبل فوات الأوان والله سلمني منها :)


وسلامتج حبيبتي... سامحينا اذا طولنا عليج

الله يسلمج و يسمنج لووول .. بالعكس أسئلتج حلوه ووسعت صدري :dance:
رد اضافي
هـلا حبيتبي .. مـنـورهـ ..

هلا فيج الغاليه .. إنتي اللي منوره حبيبتي

آسـالتـي ..

مـاهـي الوظيفه التي تتمنينها .. ؟!

أممم قلت لكم من قبل "وزيرة" :p

ماهو الهدف الي تبغين توصلين له .. ؟!

أهداف كثيره ذكرتها من قبل =)

مـتى يـقسى قلبـ صـوغاتـ .. ؟!

أممممم ما يقسى كثير بس لين أحد غلط علي أكثر من مره وأسامحه ويرد يغلط .. هني يقسى وما أرد أسامحه << يعتمد على نوع الغلط ومن يكون الشخص :)

كيـف تواجهين من يـخطئ عليك بتهمـهـ آو كـذبـ .. ؟ّ

أممممم مثل ما قلت يعتمد على نوع الغلط والشخص .. أنا بطبيعتي نادرا ما أسامح و إذا سامحت تكون مجامله يعني أحط بقلبي ومستحيل أآمن للي يجذب علي أو يخونني ..

يـقال انـ ( الحقيقهـ مـرهـ ) هـل وآجهتـي هذه المقـولـهـ .. وآيش هو الموقف .. ؟!

هالموقف أنا أمر فيه هالأيام وللأسف أكتشفت إن الحقيقه أمر من المر بعد ... و ما أحب إني أذكر هالموقف :)

ميـن اول عضـو تعرفتـي عليـهـ .. ؟!

بوحمدان

تحبيـن المغـامـرهـ .. وليـهـ .. ؟!

إي أنا بطبيعتي أحب المغامر بس مو المغامره الخطره .. وليش؟ لأني أحب المفاجآت :D

مـاهـو آكثـر شـي تفكرين فيـهـ .. ؟!

هالأيام فكري مزحوم أفكر بأشياء وايد :think3:

مـاذا تعنـي لك هالألـوان ..

آحـمـر: الحب
آسـود: الليل
آزرقـ : الرفاع :p
آخضـر: التفاؤل

مشكوره حبيبتي على الأسئله الحلوه اللي مثلج :)

Doctora
11-07-2008, 04:18 AM
لووووول صوغات سامحيني توني لاحظت انه في اساله انا مكررتها ..

ومشكوره على الإنقاذ لووول:p

البنعلي100%
11-07-2008, 06:14 PM
بسم الله الرحمن الرحيم

س1 : ليش اخترتي اسم صوغات بذات ؟
س2 : شو الي اكثر شي يعجبج بالمنتدى
س3: اي من الاقسام المنتدى محبب لج
س4: شو رايج في اخوج المتواضع البنعلي100%

صوغات
11-07-2008, 06:35 PM
هلا وغلا بصوغات ..

هلا فيج حبيبتي سامحيني على التأخير بس أمس كل ساعه فصل النت عندي :bad:

حبيبتي شلونج؟؟ مستعده؟؟

الحمدلله بخير .. إي نعم مستعده :p

لووول نبدي بالأسئله:

1_حكمتج المفضله:

أحب حكم كثيره بس ألحين مو على بالي إلا TO BE OR NOT TO BE لووول :p

2_اجمل ايام الاسبوع عندج:

يوم الخميس

3_اجمل دوله سافرتي لها:

أحب لندن ولبنان

4_خبر سمعتيه وفرحتي:

يوم كلمتني الموظفه اللي بالجامعه تبشرني بتخرجي و تخبرني بنسبتي اللي أكثر من اللي توقعتها << ما كانت مصدقه :dance:

5_ماجمل اسم من الإناث:

إسمي و جواهر ونوف

6_ماجمل اسم من الذكور:

خالد و عبدالله

7_لونج المفضل:

الأحمر والوردي

8_احلى مراحل عمرج:

أيام الثانويه .. وهالأيام اللي أعيشها أحسها حلوه وما إتكرر :)

9_اجمل هديه حصلتي عليها:

جاوبت :p

وسامحيني على الإطاله والأسئله

لا عادي كله واحد أنستينا و شرفتينا :D

ــــــ


لووووول صوغات سامحيني توني لاحظت انه في اساله انا مكررتها ..

لا عادي كله واحد

ومشكوره على الإنقاذ لووول

هههههههه العفو حبيبتي :laugh2:

Hitmi
11-07-2008, 06:50 PM
صوغات \ السلام عليكم ورحمة الله وبركاته

الاسئله مع الشكر

البلد المفضل عندك

النادي المفضل عندك

النشاط الرياضي الذي تمارسينه

اجمل اسم نسائي عندك

اجمل اسم رجالي عندك

صوغات
11-07-2008, 06:51 PM
بسم الله الرحمن الرحيم

س1 : ليش اخترتي اسم صوغات بذات ؟

أحب هالإسم من زمان من يوم كنت صغيره .. وكنت أسمع به وايد عند أبوي .. ويوم كنت أبي أسجل بالمنتدى كنت أفكر بإسم حلو وغريب و طرى على بالي هالإسم الـ (مميز) لوووول ويتراوالي إنه مب مكرر يعني ما أعتقد في أحد بالنت مسجل بهالإسم :think3:

س2 : شو الي اكثر شي يعجبج بالمنتدى

بدون مجامله .. أكثر شي يعجبني بالمنتدى إني أرتاح فيه و أكون على سجيتي مثل ما يقولون .. يعني آخذ راحتي على الآخر :p و أتعامل مع الأعضاء بعفويه وبدون تكلف .. و أضحك و أتغشمر معاهم والحمدلله ما قط أحد تضايق مني :think3:

وبالنسبه للمنتديات .. ما شاء الله أشوفهم وايد منظمين ومرتبين .. و المواضيع حلوه و الأعضاء نشيطين و حليوين ومحترمين و الله يزيدهم :)

س3: اي من الاقسام المنتدى محبب لج

أحب قسم الشعر و العام والنقاش والتسليه

س4: شو رايج في اخوج المتواضع البنعلي100%

ما شاء الله عليه شعله من النشاط << توها متعلمتها :p لوول
لا صج قدر إنه يثبت نفسه في فترة قصيره و يصير مشرف .. يعجبني إسلوبه و طريقه تعامله مع الأعضاء .. وما شاء الله عليه مثقف وعنده معلومات كثيرة .. الله يشفي والده و يطول بعمره يارب =)

<< إتكلم عنه بضمير الغائب مو جنه هو اللي يسألها :D

مشكور أخوي على الأسئله وحياك الله
رد اضافي
صوغات \ السلام عليكم ورحمة الله وبركاته

وعليكم السلام ورحمه الله وبركاته .. يا هلا فيك أخوي هتمي

الاسئله مع الشكر

حيّاك ..

البلد المفضل عندك

شي طبيعي إن تكون بلادي البحرين هي أعز و أفضل و أغلى بلد على قلبي .. الله يحفظها و يحميها من شر :) و بعدين إييون كل دول الخليج ..

النادي المفضل عندك

والله مالي في الرياضه ولا أشجع نوادي :D

النشاط الرياضي الذي تمارسينه

المشي و هالأيام أتعلم سباحه بس ليلحين ما أجوف في نتيجه :think3:

اجمل اسم نسائي عندك

أحب إسمي و إسم جواهر و نوف مثل ما ذكرت قبل

اجمل اسم رجالي عندك

خالد وعبدالله

مشكور أخوي هتمي على الأسئله الحلوه

toomi
11-07-2008, 07:44 PM
هلا حبيبتي صوغات

يلا نبتدي :p

شنو أغرب و آخر خبر سمعتيه؟؟

شنو أحلى آخر خبر سمعتيه؟؟

لو تقدرين اتغيرين شي واحد من اللي طاف شنو الشي اللي تغيرينه ؟؟

احين ضعي علامة صح امام الاجابة الصحيحه :p نذكرج بالثانوي :p
لا مو صح دائرة لووول

البر - بحر
فواكه - خضروات
طلعه مع الربع - او مع الاهل
تحصلين ليسن سيارة - او غوص
كوفي - سلاش


وفي النهاية شلونج؟:p

صوغات
12-07-2008, 12:51 AM
هلا حبيبتي صوغات

هلا فيج حبيبتي تومي نورتي الصفحه

يلا نبتدي

يالله

شنو أغرب و آخر خبر سمعتيه؟؟

والله توني من شوي سمعت عن حفله بنات في البحرين و المباحث كانوا هناك بس متخفيين :fear:

شنو أحلى آخر خبر سمعتيه؟؟

عمي وافق إن بنته إتسافر معانا السنه :dance:

لو تقدرين اتغيرين شي واحد من اللي طاف شنو الشي اللي تغيرينه ؟؟

أبي أغير صديقات رافجتهم :think3:

احين ضعي علامة صح امام الاجابة الصحيحه نذكرج بالثانوي
لا مو صح دائرة لووول

لوووول

البر - بحر >>> البر

فواكه - خضروات >>> فواكه

طلعه مع الربع - او مع الاهل >>> طلعه الربع حلوه بس تبين الصج طلعه الأهل أريح

تحصلين ليسن سيارة - او غوص >>> أكيييييد ما يبيلها كلام ليسن سيارة :D

كوفي - سلاش >>> كوووووووفي بدون تفكير :p


وفي النهاية شلونج؟

الحمدلله بخير حبيبتي أسأل عنج :p

مشكوره على الأسئله الحلوه :)

toomi
12-07-2008, 01:04 AM
شنو أغرب و آخر خبر سمعتيه؟؟

والله توني من شوي سمعت عن حفله بنات في البحرين و المباحث كانوا هناك بس متخفيي

:police:

صج يعني ؟؟؟:nono::eyes::eyes:

ههههههه سألت عنج العافية

بعد بافكر في اسأله و باخرهم :p

صوغات
12-07-2008, 01:15 AM
شنو أغرب و آخر خبر سمعتيه؟؟

والله توني من شوي سمعت عن حفله بنات في البحرين و المباحث كانوا هناك بس متخفيي

:police:

صج يعني ؟؟؟:nono::eyes::eyes:

ههههههه سألت عنج العافية

بعد بافكر في اسأله و باخرهم :p


لوووووول إي والله هذي اللي سمعته :D

الله يعافيج

فكري براحتج حبيبتي و أنا بإنتظارج :p

أم علي
12-07-2008, 04:44 AM
حي الله صوغاااااااااااااات :toothbrush:

توني ادري بج بالكرسي ههههههههههه

اولا سامحيني يعني على التأخير خخخخخ

انزين يلا تبتدي ..

1- بصراحه ما عندي اسأله وايد لووول بس ممكن رايج ؟ ههههه :

أم علي :

حصوصة :

بنعلية :

بروق :

Abdulla :

Subah :

البنعلي100%

Hitmi

2- احلى قصة قريتيها ؟؟

3- احلى فلم شفتيه ؟؟

4- افضل شاعر برايج ؟؟

5- شكثر تحبيني ؟؟ << هههههه عاش واثق

6- TOP 10 من أعضاء المنتدى بالنسبة لج ؟؟

صوغات
14-07-2008, 01:55 AM
حي الله صوغاااااااااااااات

الله يحييج حبيبتي

توني ادري بج بالكرسي ههههههههههه

لوووول

اولا سامحيني يعني على التأخير خخخخخ

لا عادي كله واحد شدعوه ههههههههه

انزين يلا تبتدي ..

يالله

1- بصراحه ما عندي اسأله وايد لووول بس ممكن رايج ؟ ههههه :

أم علي : فديتها والله أحبها و أعتبرها مثل إختي الصغيره و أبيها تشد حيلها وتهتم في دروسها :p

حصوصة : ما شاء الله عليها شاطره و ذكيه و عزيزه على قلبي وايد :)

بنعلية : أحبها و لها مكانه في قلبي تضحكني وعليها قطات عجيبه .. ودمها خفيف و أحس إني أمون عليها :D

بروق : عااد هذي حبيبة قلبي فديتها الحساسه مثلي <<< لازم إتلصق :p .. هاديه و الكل يحبها ما شاء الله .. الله يخليها ويحفظها ويسعدها :)

Abdulla : والنعم فيه أخو وعزيز وغالي الله يبلغه ويجوف حمد

Subah : والنعم فيه بو دودي .. الله يخلي له دودي و إخته

البنعلي100%: مثل ما قلت يعجبني أسلوبه و تعجبني آراءه والنعم فيه

Hitmi : إنسان محترم و محبوب من الكل .. جاد ومثقف آراءه عقلانيه الله يتمم عليه

2- احلى قصة قريتيها ؟؟

ما أذكر والله قريت قصص وايد

3- احلى فلم شفتيه ؟؟

أحب Just like Heaven و Click أحس فيهم أفكار

4- افضل شاعر برايج ؟؟

أمممم وايد الشعراء اللي يعجبوني منهم: طلال الرشيد, محمد بن الذيب, سعد بن علوش, محمد بن فطيس, حامد زيد, خلف المشعان ومهدي ال حيدر <<< ما تم أحد :D

5- شكثر تحبيني ؟؟ << هههههه عاش واثق

أحبج حب الملح في الزاد والشكر في الشاي ههههههه
لا صج والله أحبج وااااااااااااااااااااااااايد

6- TOP 10 من أعضاء المنتدى بالنسبة لج ؟؟

عاد توب 10 فيها إحراج شوي .. بعدين يزعلون علي الأعضاء و يغارون .. وتصير حزازات بين الأعضاء و السبه إني أفضل عضو على عضو :D <<<< أموووووت على باريس هلتون :p


مشكوره أم علاوي على الأسئله الحلوه مثلج

أم علي
14-07-2008, 03:04 AM
ثنكيووووو صوغات عالتجاوب السريع هههههههه :)

البنعلي100%
23-07-2008, 10:52 PM
يعطيج العافيه اختي صوغات لــ استجابتج لدعوتنا المتواضعه بكرسي الاعتراف

أبو عبدالمحسن
29-07-2008, 10:27 PM
بسم الله الرحمن الرحيم
هلا بالغالية صوغات
بما أنك أجبتي على أسئلة كثيرة
أبي أسألك سؤال واحد فقط

معنى " صوغات " :)

أخوك