المساعد الشخصي الرقمي

مشاهدة النسخة كاملة : أكشف قناع العضوه بنت الشيو خ



البنعلي100%
05-02-2009, 03:47 PM
بسم الله الرحمن الرحيم







احبتي واصدقائي اعضاء منتدى قبيلتنا ال بن علي
تحيه طيبه ... وبعد..






نطل عليكم من خلال هذه الزاويه الجديدة
http://www.al-wed.com/pic-vb/899.gif (http://www.al-wed.com/pic-vb/899.gif)





وذلك تقديراً للعضو مميز لدينا في المنتدى





تم اختياره بناءً عل





تميزه الواضح بالمواضيع أو الردود بشكل عام





العضوه النشيطه بنت الشيوخ




http://www.al-wed.com/pic-vb/899.gif (http://www.al-wed.com/pic-vb/899.gif)






هذا الموضوع لن يكون اسبوعي ولا شهري





وانما حسب ما يراه الاشراف ...






http://www.al-wed.com/pic-vb/899.gif (http://www.al-wed.com/pic-vb/899.gif)





هنا نفتح المجال للأعضاء لطرح الاسئله عليه





وسيكون ضيفاً كريماً





ثم سيتم الاغلاق الموضوع بعد ثلاث اسابيع من انشاءه






http://www.al-wed.com/pic-vb/899.gif (http://www.al-wed.com/pic-vb/899.gif)
مع العلم بأمكان اي عضو ان يكون





ضيف شرف من خلال تميزه في المنتدى





بالمواضيع والردود ذات فائده وبالتوفيق للجميع






http://www.al-wed.com/pic-vb/899.gif (http://www.al-wed.com/pic-vb/899.gif)







تقبلوا منا خالص تحيه طاقم الاشراف

little-princess
05-02-2009, 04:18 PM
السلام عليكم :)
شخبارج بنت الشيوخ ؟


1_حكمتج المفضله:

2_اجمل ايام الاسبوع عندج:

3_اجمل دوله سافرتي لها:

4_خبر سمعتيه وفرحتي:

5_ماجمل اسم من الإناث:

6_ماجمل اسم من الذكور:

7_لونج المفضل:

8_احلى مراحل عمرج:

9_اجمل هديه حصلتي عليها:


و بس :D

little princess

بنت الشيوخ
07-02-2009, 07:01 AM
أولا أحب أشكركم على الموضوع الخاص والمميز لكل من القائمين على المنتدى والمشرفين والمراقبين ... والصراحه ... تشرفت بختياركم لي ... وشكرا لك البنعلي 100% على التكريم ... سعيده بوجودي معكم ... تسلمون ويعطيكم ألف عافيه على هذه الجهود ... لتكريم الأعضاء



هذا أولا







ثانيا : وعليكم السلام ليتل برنسس ... أنا طيبه تمام وحياج الله .. نورتي بمشاركتج



1_حكمتج المفضله:


طنش تعش تنتعش / ان لم تكن ذئبا اكلتك الذئاب ......

2_اجمل ايام الاسبوع عندج:


الخميس ....


3_اجمل دوله سافرتي لها:


ألمانيا


4_خبر سمعتيه وفرحتي:


خطبة صديقتي ... توأم روحي ... (( صديقتي المقربه جدا بمثابة أختي ))


5_ماجمل اسم من الإناث:


يارا


6_ماجمل اسم من الذكور:


بدر


7_لونج المفضل:


الأحمر


8_احلى مراحل عمرج:


مابين 7 و 13


9_اجمل هديه حصلتي عليها:


دبدوب أبيض ووردي


على فكره

من الألوان المفضله عندي بعد بالاضافه للون السابق الأبيض والوردي







شكرا لج ليتل برنسس يعطيج العافيه

3utbi
07-02-2009, 06:07 PM
السلام عليكم ورحمة الله وبركاته
أشكرك يالـبنعلي 100% على إستضافة العضوه المميزه والنشيطه
بنت العم الشيخه بنت الشيوخ أطال الله في عمرها وأبقاها
أسلا وسهلا فيج يالشيخه ، عندي أسئله وإنتي على كيفج باللي تجاوبين عليه
بسم الله الرحمن الرحيم
ما هي هواياتكي؟
هل تحبين الرسم؟
مانوع سيارتكي؟ وما لونها؟
صفي لي عملكي اليومي؟
أين تقضين معظم الوقت؟
مانوع حيوانكي المفضل؟ تحبين السنجاب ؟ الأرنب ؟ الغزال؟
هل تحبين السرعه؟ هل تخافين السرعه؟
ماذا تحبين أن تلبسين في حياتك اليوميه بالبيت ؟ جينز...... دراعه... عبايه. ههه..الخ؟
من هم الأعضاء المقربين لديكي أو الذين تجمعكي بهم صلت قرابه أسريه؟
من أي البنعلي إنتي ؟ من أي فخذ ؟ عطينا تسلسل إسمج بالكامل
هل لكي أقارب بالكويت؟ بالسعوديه؟ بقطر؟ بالإمارات؟ وكم بيت بكل بلد؟ ومن هم خوالج؟ وخوال الوالد ؟
هل تحبين المغامرات؟ ومانوع المغامرات التي تحبينها؟ وأين تحبين أن تذهبي للمغامره؟
ماهي أمنياتكي؟
شنهي الأشياء اللي ودج تسوينها وماسويتيها ؟
هل تخافين الظلام؟
ماهي أكلتكي المفضله؟
ماهو شرابكي المفضل؟
ماهي الرياضه المفضله لديكي ؟
هل أنتي مشتركه بالـfacebook ؟
ماهي سيارتكي المفضله من السيارات السبورت؟
شرايج بمنتدى آل بن علي بشكل عام ؟ إيجابياته ؟ سلبياته ؟ الآليه فيه ؟ المشاركات؟ الأعضاء؟ المراقبين؟ المشرفين؟ إقتراحاتج بشكل عام؟
اول عضـو تعرفتيـ عليـهـ .. ؟!
شنو آخر فلم شفتيه؟
أغلى نصيحة سمعيتها؟
ما هي احلى كلمة قيلت لكي ؟
ما هو رقمك المفضل وماذا يعني لكي؟
تفلم نصحينا فيه ولازم إنشوفه وإلا بفوتنا؟ وغيره ؟ وغيره؟
TOP 10 من أعضاء المنتدى بالنسبة لج ؟؟
تعرفين تطبخين؟ شنو تعرفين تسوين؟
البلدان اللي ودج تزورينها ؟
شنهي الأكلات اللي تحبينها؟
عندج خطه بحياتج؟ شنو مخططه تسوين؟
ترتيبج بي أخوانج ؟
ليش ماتشاركين هالأيام ؟
ماهو أكثر قسم يعجبك؟
شرايج بالأعضاء التاليه أسمائهم ؟
بروق
حصوصه
بنعليه ولي الفخر
البنعلي 100%
صباح < المدير العام
أم علي
مفحطه بناقه
أم كشه؟
أكو أحد مزعلج بالمنتدى عشان نعاقبه؟
موقف محرج تعرضتي له ؟
ماهو عطرك المفضل؟
هل تفضلين المواضيع المنقوله أم المواضيع الشخصيه اللي تعبر عن شخصيتج؟ أو تنقلينها وتضيفين عليها رايج؟
كنتيِ في بيت وصار فيه حريق لا سمح الله منو اول واحد من الأعضاء بتطلعيه وبتنقذينه؟ بكل صراحه وليش؟
مانوع شخصيتك؟ عرفيها لي؟ مزاجيه مثلا عنيده أو تحبين الهدوء
ماهي حلوياتج المفضله؟ مثلا الجوكلت أو أم علي أو كريم كراميل أو الجلي أو الكعك أو...؟
هل تؤيدين الوظيفه للمرأه ؟
من أين أنتي؟
شتخافين منه ؟ شاللي يونسج؟ شنو يظيق خلقج؟
هل أنتي بيتوتيه؟ واذا تخرجين الي أين؟ شنو الأماكن الي تحبين تروحينها وايد؟
ماهي نوع الفاكهه المفضله لديك؟
تحبين الرسم؟ واذا نعم ماذا تحبين أن ترسمين في هاللحظه؟
شنو شعورج بهذه اللحظه؟
شرايج بس بالأسئله ههه؟
وعسى تكون أسئلتي خفيفه ومشكوره على كلشي
وتقبلي فائق الإحترام وجزيل الشكر والإمتنان
والسلام عليكم ورحمة الله وبركاته

بنت الشيوخ
07-02-2009, 10:24 PM
وعليكم السلام ورحمة الله وبركاته





أهلا وسهلا بابن العم (( عتبي )) ... ماقصرت ... تسلم ... ويعطيك ألف عافيه ... ويطولي بعمرك


حياك الله عتبي ... نورت .... خجلتني والله مدري شقولك ... &&@&&







وشكرا للبنعلي 100% ماقصر على هذه الاستضافه الرائعه ... تسلم أخوي البنعلي 100% يعطيك العافيه





ما هي هواياتكي؟


هواياتي : الخياطه / الرسم / تصميم الأزياء / تعلم فن الميك آب / تتبع الأفلام الجديده / وحابه أمارس هوايات أخرى مثل الرمايه وركوب الخيل والدراجات الناريه بس مدري متى اتدرب عليهم لأني ماعرف شي فيهم الصراحه لحد الآن

هل تحبين الرسم؟

نعم أحب الرسم ... سواء الأزياء أو الرسم العادي ... بالأقلام أو الألوان الزيتيه

مانوع سيارتكي؟ وما لونها؟


كرايزلر / لونها أسود


صفي لي عملكي اليومي؟


عملي اليومي / الصراحه على حسب اليوم اذا متملله ما أسوي شي غير التليفزيون واتابع الأفلام والمسلسلات والبرامج وماطلع كثير الصراحه كله بالبيت ولو طلعت أطلع قليل أو نادر / كله بالنت أو التليفزيون أو أتمشى بحديقة البيت شوي ... أقعد مع جدتي أسولف معها سوالف الأجداد والتاريخ وغيره ... أتغشمر شوي مع أمي وشوي مع أبوي وشوي مع أخوي الي أصغر مني بسنتين أحب أخواني ... وأختي تشاركنا بالمزاح وأنا طبعي مرحه ... تلقاني ماحب أقعد مع الأهل كثير كله بروحي أحب الهدوء ... بس هم يحبون أقعد معهم لأني مرحه كثير ... يستانسون بوجودي .. أمزح معهم وأضحكهم ... يعني أحب المرح ... أسولف ساعات مع ربعي بالتليفون ... وهالشي قليل بعد لأن أمل بسرعه ... ماحب كثر الكلام ... عندي مقوله تقول خير الكلام ماقل ودل ... وشنو بعد ... أمممم ... الصراحه بأوقات لي مليت أطلع بالسياره شويه أدور وأرجع أغير جو ... ساعات أقعد مع جدة امي أسولف معها ... وأغلب الوقت أشوف أفلام هنديهبزي آريبيا وأمريكيه في أم بي سي فور ومسلسلات في الام بي سي 1 .. والام بي سي فور بعد ... أسوي رياضه ... أغني ... أسمع أغاني ... أستطرب ... الخ

ما أشتغل الصراحه لي الحين .. وبالبيت على طول ... ماعدا بعض الأحيان أطلع للسوق وأحب التسوق ... وبعض الأحيان أطلع لزيارة الأهل وهالشئ نادر وقليل

أين تقضين معظم الوقت؟


معظم الوقت أقضيه ... بالبيت الصراحه .. في غرفتي وبالصاله بين أهلي وبحديقة البيت ... هذا أكثر شي ... بيتنا يتجمعون فيه الأهل الخالات والخوال والجده وأبناء الخال والخاله ... الخ ... يصير المزح والمرح .. والصراحه اي مكان فيه مرح وضحك أحب أقعد فيه ... عشان أغير جو وأضحك .. وأنسى الهموم لو كان بي هم ...


مانوع حيوانكي المفضل؟ تحبين السنجاب ؟ الأرنب ؟ الغزال؟



الصراحه حيواناتي المفضله ... القطط ذات الفرو الكثيف الريشي الناعم ... وبعض أنواع الكلاب مثل الكلاب الذئبيه ... الي نصفها ذئب والنصف الآخر كلب ... وأحب الأرانب ... الغزلان أكيد ... وأحب الخيول ... أموت بالخيل ... أحب الخيول كثير ... أحب البلبل والكناري ... أحب أشوف الطاووس ...
أحب الكوالا ... وأشبال النمور .. أحسهم كيوت


هل تحبين السرعه؟ هل تخافين السرعه؟



اي أحب السرعه ... وكنت بالسابق مجنونة سرعه ... لا أبد ما أخاف ... أحب التحدي في جميع المجالات خاصة السرعه ... أحب اسوي ريس ... سباق سيارات ... ودوم أنا الي أفوز لو يكون ولد بعد أغلبه بذكائي مايبيله ... السرعه تراها مو كل شي الذكاء هو كلشي ... بس السرعه تفيد بوقت المعاكسات اذا احد يلاحق بنت ... وهي ذكيه وماتخاف في مجال السرعه ... بايعتها ماتخاف السرعه نفسي ... خلاص تقدر تتخلص من الشباب الفاضي بكل سهوله انها تتحاشاهم بالسرعه ... وتضيعهم ... ويبعدون عنها ... كانها تقشعهم من طريقها وتخوفهم ... ياما مرت علي مواقف مثل ذي ... وعرفت اتصرف عدل ... بمره كنت رايحه للجامعه وفي طريقي كان في واحد متخلف يسوق بتخلف ... ويسد علي الطريق كل شوي .. بالبدايه قلت لا عادي يمكن مايقصد بس بعدين اشكره يقصد ولا ومعه بنات جدام وورا وكأنهم يتحدوني ... زدت السرعه وزادها كانه يقولي يا الله نسوي ريس ... سباق ... ماخطرتلي هالفكره الا يوم فكرت أتخلص منه ومن أذيته لي بالشارع ... ماكان لي خلق حزتها اصلا أني أسرع بالسياقه بس بلحظه هو الي حدني ... يوم عصبت ... ووصلت حدي قلت خلني أأدبه واوريه بنات آل بن علي وش يقدرون يسوون ... الي صار أنه يسد علي الطريق وبكل مره يحاول ينرفزني فيها ... خذت سيارتي ورحت بين باصين كانوا يمشون بالبطئ قمت خففت السرعه ودخلت بسيارتي بينهم السياره الثانيه .. خففت وصارت يمي ويوم غفل الولد الي فيها مع البنات الظاهر كانوا يسولفون هههه زيدت السرعه وطلعت بسرعة البرق قدامهم وصرت قدامهم ودست البنزين لىخر حد ... عصبت ... وصلت لدوار وجان أغلبه ونوقف ... يوم الي وقفت الا هو يصفق لي ويقولي برافو ماسمعته بس أعرف أقرا تعابير الوجه ... على أساس يحييني أني غلبته ... كشرت بوجهه ... وماعطيته وجه ورحت بطريقي مومهتمه ... هذا موقف من المواقف الي صارتلي بخصوص السرعه



ماذا تحبين أن تلبسين في حياتك اليوميه بالبيت ؟ جينز...... دراعه... عبايه. ههه..الخ؟


لا ولا وحده من ذولي الي ذكرتهم ... أحب البس شي كاجول ... وعادي ... برمودا طقم مع التي شيرت ... أو يعني حسب ... دراعات بيت عاديه بسيطه ناعمه مثلا ... أحب الشي البسيط ماحب ألبس أشيا كثيره


من هم الأعضاء المقربين لديكي أو الذين تجمعكي بهم صلت قرابه أسريه؟


ليتل برنسس / البرنس / شيخة البنات / أم علي /


مدري الصراحه اذا كان بعد في أحد غيرهم وانا مدري .... بعد هذا شي ثاني



من أي البنعلي إنتي ؟ من أي فخذ ؟ عطينا تسلسل إسمج بالكامل



لووووووول حلوه تسلسل اسمج ... ولا وبالكامل بعد ... !!!



شي شي الفضول



أسألتك خطيره !!! ... ماتبي اسم أبوي وجدي وجد جدي بعد ؟؟؟ اشرأيك ؟؟ ... لوووووول



لا بس بعطيك الفخيذه فقط / الفخيذه ....... آل مبارك




هل لكي أقارب بالكويت؟ بالسعوديه؟ بقطر؟ بالإمارات؟ وكم بيت بكل بلد؟ ومن هم خوالج؟ وخوال الوالد ؟



غريب هالسؤال وحلو ماحد سالني ايه من قبل ... عموما ... جوابي بالكويت لا ... ماعندنا احد من الأهل المقربين هناك ... بس بقطر عندنا ... وبالسعوديه والبحرين .... كم بيت ماعرف الصراحه أتوقع بقطر سبعة بيوت أو أكثر شوي ... بالسعوديه بيتين أو 3 ويمكن أكثر شوي ... والله الحسبه عند الوالد هو أدرا فيهم ... خوالي وخوال الوالد ... لاتعليق .. ماراح أجاوب على هذا السؤال ... أموري الخاصه سر يا بابا ... لووووول ... بس كل الي أقدر أقوله لك أن خوالي يقربون للوالد كثير ... كثير من الأهل يعني ... وخوال أبوي منهم وفيهم بعد نفسهم تقريبا بس بمعنى آخر من الناس الي اكبر منهم ... لغز بس ان قدرت تحله وايد زين معناتك ذكي كثير ... عموما أكتفي بهذا الرد


هل تحبين المغامرات؟ ومانوع المغامرات التي تحبينها؟ وأين تحبين أن تذهبي للمغامره؟

اي أحب المغامرات كثير من يوم الي كنت صغيره ... كنت أحب أروح للبيوت الي بها ظلام مافيها نور واجيب المصباح ونستكشف البيت سواء كان قديم أو جديد ... نروح نشوف اذا كان فيه جن او لا ... لووووول ... أحب المغامرات في السرعه ... عاد ذي خلها على صوب لأنها من افضل مغامراتي ... وودي اروح أسافر للمغامره .. ابحث عن أشيا غريبه ومخيفه ... مثل الغابات مثلا أو الجبال أو الاماكن الي تكثر فيها الكهوف ودي اشوف وش فيها .. ؟؟؟ خفافيش وجن مثلا .. ؟؟؟ لوووووول


ماهي أمنياتكي؟


أمنيتي أن تتحقق أمنيتي المكنونه في نفسي ... مابي أقول شنو هي الأمنيه بس اتمنى أن تحقق انشاء الله ... وأمنيتي الثانيه ... أسوي بيزنس في مجال الأزياء يكون على مستوى راقي ... الأمنيه الثالثه : أني استطيع رد الجميل لأمي وأبي في يوم من الأيام لما قاموا به من أجلي من صغري الى أن كبرت


شنهي الأشياء اللي ودج تسوينها وماسويتيها ؟


أسافر حول العالم ... اروح البلدان الي مارحتها لي الحين ... بطرق مختلفه بالباخره وبالطائره ... وودي بمره أسافر بالباخره بس اخاف من البحر لذلك ماعمري سافرت بالباخره ... أفضل الطائره مع أنها بالجو بس احس أسرع ... وكل ماكانت اسرع الخوف يقل وكل ما كانت أبطئ يزيد الخوف والقلق


هل تخافين الظلام؟



لا ما اخاف الظلام الا اذا كان البيت مسكون ... اي أخاف ... اذا كان لا ... عادي ما أخاف


ماهي أكلتكي المفضله؟


المعكرونه والاسباقيتي والكوشري و البيتزا الجبن والصلصه فقط

ماهو شرابكي المفضل؟


المانجو والأناناس


واذا كانت من المشروبات الغازيه ... أحب سبرايت


ماهي الرياضه المفضله لديكي ؟


فنون القتال ... بس لا يغركم ماعرف شي فيها بس مدري شلون احس بيوم راح أتدرب تيكواندو ... ويا ويل الي يدوسلي على طرف أو يتحداني ساعتها ... بكسر راسه


أحب رياضة شد البطن والأثقال الخفيفه والجري ... وبعض من رياضة الايروبكس


هل أنتي مشتركه بالـfacebook ؟


لااا ... ما أشترك بهالسوالف ابد ... بس اتوقع خواني اي ... مشتركين ... أنا ماحب أشترك


ماهي سيارتكي المفضله من السيارات السبورت؟



موزاراتي ... لامبرجيني ... بورش ... فراري ... كومورو




شرايج بمنتدى آل بن علي بشكل عام ؟ إيجابياته ؟ سلبياته ؟ الآليه فيه ؟ المشاركات؟ الأعضاء؟ المراقبين؟ المشرفين؟ إقتراحاتج بشكل عام؟


بشكل عام المنتدى رائع ... الايجابيات ... أنه الواحد يدخله يفرفش ويضحك ويطلع ... ويفيد الآخرين بالموضوعات الي يشارك بها ... ويتواصل مع الناس والأعضاء والقائمين على المنتدى ... يكون اجتماعي ... فتتعزز لديه حب المشاركه والتعاون ... وروح الفريق ... وتكوين الأصدقاء الطيبين المحترمين ... سلبياته ... الصراحه يعللق الموقع ساعات بصفحته ... أو ساعات يكون فيه خلل مدري شلون فاضطر اطلع وةبعدها بدقائق أدخل ... الآليه فيه أوكي جيده ... المشاركات الي أشوفها والله ماقصروا الأعضاء كفو ووفوا .. بالمواضيع والمشاركات والعمل لبناء المنتدى وتطويره ... والمشاركات طيبه الصراحه من قبل الأعضاء ... ماقصروا الكل الأعضاء والمراقبين والقائمين على المنتدى ... اقتراحي كل مايلقون القائمين على المنتدى وقت يشوفون شيقدرون يسوون للتغيير في المنتدى وتطويره ... من أمور يفتقدها المنتدى ... ممكن هم اذا فكروا وطوروا حتى بالاطار الموضوع فيه المنتدى يغيرونه مثلا اذا أمكن للتغيير والتجديد ... للتطوير ... أن يقومون المشرفين بالمتابعه أول بأول لبعض الاقسام المهمله ... القيام بوضع منتدى اضافي للموسيقى والأغاني فقط

هذا اقتراحي


اول عضـو تعرفتيـ عليـهـ .. ؟!


فديتني بنعليه / وولد الحره / ليس على المستوى الشخصي وانما في اطار المنتدى فقط .. عندما كنت عضوه جديده بالمنتدى ... كانوا يشاركون في المواضيع والمشاركات والمسابقات والفكاهه فقط ... عندما كنت أضع موضوع معين وكنت عضوه جديده بوقتها يكونون أول الأشخاص السباقين بالرد على الموضوع ... فكانت ردودي عليهم ... أني ممتنه لهم لمرورهم على الموضوع .. وهكذا عندما كانت فديتني بنعليه تشارك في الفكاهه والتسليه كنا نشاكس بعض في بعض من الألعاب ونسولف في بعض الصفحات ... يعني ... بس ماعرفهم شخصيا الصراحه ... مالي علاقه فيهم علاقتي بهم سطحيه جدا ... في ناس وايد غيرهم الصراحه بس شذكر وشخلي ... منهم بن درباس وصباح وعبدالله وشيخة ال بن علي والكواريه وبنت أحمد الساده وهتمي وولد الساده و أم علي والبرنس وشيخة البنات و ليتل برنسس وزينة البنعلي والزينه ... الخ هذول يوم كنت عضوه جديده بالمنتدى كانوا يعرفوني ... بس الحين أعرف الكل تقريبا وزادوا عدد الأعضاء الي اعرفهم مثل ضياء القمر وروح البداوه وعتبي ... المدفعجي و وطني ... الخ


شنو آخر فلم شفتيه؟


آخر فيلم وش معناتها يعني أجدد فيلم شفته أو آخر فيلم بالترتيب ؟؟؟

والله من زمان ماشفت أفلام جديده وقريب بشوف فيلم الضغينه الجزء الثالث الجديد ... أما اذا كان عن آخر فيلم في الترتيب الأخير هو فيلم اثاره الجريمه جرائم تكساس ... وفي فيلم ثاني بعد ... فيلم المنشار


أغلى نصيحة سمعيتها؟



من أمي ... أني ما اثق بأحد غريب ...


ما هي احلى كلمة قيلت لكي ؟



أحلى كلمه : يا طيبة القلب ... يا أرق انسانه .. كلمة أحبك من أمي وأبي وأخي




ما هو رقمك المفضل وماذا يعني لكي؟



11 شهر ميلاد صديقه عزيزه على قلبي




تفلم نصحينا فيه ولازم إنشوفه وإلا بفوتنا؟ وغيره ؟ وغيره؟




الفيلم الي أنصحكم فيه الضغينه بجميع أجزاءه / جرائم تكساس / أفلام زومبي / المنشار بجميع أجزائه / فجر الأموات / آن بورن / ذا رينق ... الحلقه / ذا ماسنجر / واذا في غيره بقولكم بعد اذا شفت افلام غيرها راح أخبركم ... طبعا


TOP 10 من أعضاء المنتدى بالنسبة لج ؟؟




فديتني بنعليه / ضياء القمر / روح البداوه / مفحطه بناقه / أم علي / أم البندري / زينة البنعلي / الزينه / هتمي / عتبي



تعرفين تطبخين؟ شنو تعرفين تسوين؟


اي اعرف أسوي باستا ومعكرنه بالجبن .. والبشمل وسلطات بالذره والجبنه والسلطات الي بالروب وغيره الي بالمعكرونه بعد


أسوي بيض / هذا شي اكيد / أسوي شاي / أسوي جاكت بوتيتو / اسباقيتي

الخ

البلدان اللي ودج تزورينها ؟

النرويج والتشيك وسويسرا وايطاليا واسبانيا وماليزيا وفرنسا ولبنان

شنهي الأكلات اللي تحبينها؟


المعكرونه والاسباقيتي


عندج خطه بحياتج؟ شنو مخططه تسوين؟


اي عندي ودي أسوي بزنس


ترتيبج بي أخوانج ؟


أول وحده ... البكر


ليش ماتشاركين هالأيام ؟


الكمبيوتر مريض مسكين كان مليان فيروس وخذاه ابوي يحط له أنتي فايروس .. وتأخرت كم يوم على بال مايشيلون الفايروس ويحطون الآنتي فايروس ... من ندخل موقع الكمبيوتر يتعبا من الفايروس


وبأوقات أتملل لدرجة ان ماودي أدخل لأن أحب أقعد بروحي أشوف التليفزيون والبرامج والأفلام


ماهو أكثر قسم يعجبك؟




قسم القصص والقسم العام والفن




شرايج بالأعضاء التاليه أسمائهم ؟




بروق
حصوصه
بنعليه ولي الفخر
البنعلي 100%
صباح < المدير العام
أم علي
مفحطه بناقه
أم كشه؟


أم كشه الصراحه ماعرفها ... بس البقيه اي اعرفهم والصراحه ماقصروا وناس طيبين ومتعاونين وذوق ... الله يخليهم ... ويحفظهم ... ناس ينحطون على الجرح يبرى واخوان دنيا


أكو أحد مزعلج بالمنتدى عشان نعاقبه؟


لا والله ماكو ... لووول أيوا أيوا الي بيعاقب شي شي ... ههههه






موقف محرج تعرضتي له ؟



دخلت بيت جيران بيت خالتي بالغلط لأن بيتهم يشبه بيت خالتي بس اشوا باللحظه الأخيره رديت وانا بالحديقه قبل لا أدخل البيت وطلعت ورحت تاكدت من البيت أول ... لووووول وقعدت أضحك على نفسي ... وش دراني هو البيتين نفس السي ونفس التصميم وكل شي ... بس في فرق بسيط ... وانا تخربطت بينهم هههه ... يا الله معليه ... بيت الجيران أصلا من أهل بنت خالتي بعد ... يعني كله واحد ... هههههه


ماهو عطرك المفضل؟


قوتشي وفرساتشي وشابرد و جفنشي وديور وأمور أمور


هل تفضلين المواضيع المنقوله أم المواضيع الشخصيه اللي تعبر عن شخصيتج؟ أو تنقلينها وتضيفين عليها رايج؟




أنقلها وأضيف عليها رأيي





كنتيِ في بيت وصار فيه حريق لا سمح الله منو اول واحد من الأعضاء بتطلعيه وبتنقذينه؟ بكل صراحه وليش؟



الصراحه ليتل برنسس ... اول شي لانها بنت خالتي .. ثانيا صغنطوطه وحلوه وكيوت حسافه عليها فديتها ... وثانيا لأنها بنت وضعيفه مابيدها شي تسويه غير اني راح اساعدها ... على حسب مقدرتي وقوتي


مانوع شخصيتك؟ عرفيها لي؟ مزاجيه مثلا عنيده أو تحبين الهدوء


مزاجيه / هادئه / أحب الهدوء والراحه / عصبيه ساعات / احب أقعد بروحي عشان أكون بعيده عن الازعاج / طيبه / حساسه / .........


ماهي حلوياتج المفضله؟ مثلا الجوكلت أو أم علي أو كريم كراميل أو الجلي أو الكعك أو...؟


الجلي و الكعك ... أحب الجوكلت الأبيض

هل تؤيدين الوظيفه للمرأه ؟


طبعا

من أين أنتي؟



شوف ليتل برنسس من وين وراح تعرف خلاص عاد مابي أكون غامضه وايد وبزياده



شتخافين منه ؟ شاللي يونسج؟ شنو يظيق خلقج؟



أخاف من الظلام اذا كان البيت مسكون أخاف لما اطلع السوق أشوف زحمه وحولي شباب يمكن جذي 100 واحد اخاف ... تشوفني أمشي بسرعه لوووووول ... اخاف من الأشياء الخطره مثل الأفاعي والحشرات والعنكبوت والصراصير والسحالي ... الخ ... استانس لما اروح للملاهي ... أو لما اتجمع مع صديقاتي ... لما أحس أني عايشه في هدوء وراحه وبصحه وعافيه ... استانس لما أروح أتسوق واتشرا ... لما أسوق بسرعه كاني اطير ... لما أركب السياره واشغل الموسيقى والاغاني وأستطرب ... أستانس لما هلي ياخذون رايي بتصميم الديكور وغيره ... يضيق خلقي الهم والغم والحزن الي باوقات احسه لأسباب مختلفه ويضيق خلقي ازعاج الاطفال وصراخهم أحس بملل وضيقة خلق


هل أنتي بيتوتيه؟ واذا تخرجين الي أين؟ شنو الأماكن الي تحبين تروحينها وايد؟


نعم طبعا ... الي بيت ربعي ... السوق ... بأوقات المجمعات ... بيت خالتي .. بيت خالي ... ادور في السياره مع هلي .. أو نتعشى برا ... الملاهي ... والمطاعم والكوفي شوبات الراقيه ...



ماهي نوع الفاكهه المفضله لديك؟




المشمش والموز والمانجا والفراوله


تحبين الرسم؟ واذا نعم ماذا تحبين أن ترسمين في هاللحظه؟


اي احب ... احب أرسم طبيعه ... أو فاكهه في سله



شنو شعورج بهذه اللحظه؟



شوي متضايقه .. متوتره ... متملله ...


شرايج بس بالأسئله ههه؟





أوكي تمام والله ... يعطيك العافيه وشكرا لك على الاسئله الرائعه ... ماقصرت في كلشي الصراحه

كفيت ووفيت ... حياك الله ... نورت عتبي ... واتمنى أني كفيت ووفيت بأجوبتي

ضياء القمر
08-02-2009, 12:15 AM
بالفعل بنت الشيوخ نشطيه في مواضيعاا ومتميزه بردودهاا احسنتوو الاختياار

ومشكوره على اختيارج لي ك فريند حدج تونسين للعلم

بس ودي اعلق لل عتبي --- ماخليتلي سؤااال لوووووووووول :)

مم شسال ؟؟؟ :think3:

جم عمرج؟
اي برج؟

الشخصيه اللي تعجبج؟
الشخصيه اللي تنرفززج؟
شنو بنظرج ؟ عيوب شباب وبنات هالوقت ؟
تفكرين بالمستقبل؟
تخافين من المجهول؟
تخططين ليومج؟
تخططين لمستقبلج؟
شنو المشروع التجاري اللي ودج تسوينه؟
تعيشين احلاام اليقظه :) ؟
هل انتي مسرفه؟
شرايج بمستوى ثقافة ابناء الخليج؟
تحبين القراءه؟
شرايج ب د.فوزيه الدريع؟
تحبين الوحده؟
ندمتي على شي بحياتج؟
تصلين الفجر؟
تحبين الملابس الكاجول ولاا الكلاسك شيك؟
اكثر شي تشترينا من السوق؟



وسلاامتج ان شاءالله بس ماثقلناا :toothbrush:

بنت الشيوخ
08-02-2009, 11:22 AM
شكرا لج حبوبتي من ذوقج ... يا عسوله ... حياج الله .. نورتي ... أكيد أنتي صديقتي ... وأنا أحب أصدقائي طبعا ... وتشرفت بج كصديقه ... أنتي الي تونسين ... فديتج ...



ببدأ بالرد على الأسئله :





جم عمرج؟


24 قريب أدخل ال 25 بقى شهر واحد فقط تقريبا وأدخل ال 25


اي برج؟


برج الحوت


الشخصيه اللي تعجبج؟



الرزانه / التفهم / الطيبه / الحنيه / الرومنسيه / الشخصيه الحساسه / العطوفه / المستقيمه / المرحه / الجديه / ........

الشخصيه اللي تنرفززج؟



الشخصيه المزاجيه ... والعصبيه ... الي تستخدم العنف والضرب والشخصيه الي تكون فيها بطئ ... تخيلي أنتي بالعمل ... ووحده معك بطيئه بالشغل كأنها تنقش نقش الحنه ... أو تمشي على بيض ... وش تسوين ... ؟؟ هذا الي أنا ما أحبه

تتنرفزين صح ؟؟؟ لوووول


شنو بنظرج ؟ عيوب شباب وبنات هالوقت ؟


عيوب الشباب : 1- البعض منهم يقلدون الغرب وبعض الأشياء الي تخص الغرب ماتعجبني أبد

2- بعض الشباب لما يفكرون يطلعون أول مايروحون .. يروحون للمول ... ليش ؟؟ لأن فيه بنات .. !!! هههه يروحون يرقمون لك كم وحده ويجون .. والله حاله

3- البعض مايهتم بصلاته ...

4- البعض مايهتم بالقراءه ... وبالدراسه وتكملة الدراسه بالجامعه ...

5- التفحيط بالشارع ... والبعض مايعرفون يسوقون ... يكونون البنات أحسن منهم بالسياقه ...

6- البعض منهم لايعرف مصلحته .. يسهر برا لوقت متأخر .. ويطلع مع رفاق السوء .. يدخن ... الخ




البنات :


1- الكثير من البنات في هذا الوقت ... قلبوا جنسهم وأصبحوا مسترجلات أشوف قاموا يكثرون

2- زادت نسبة البنات المنحرفات (( المعاكسات + التدخين + الشيشه )) ... لا رقابه عليهم ولا أحد يدري عنهم لا أهل ولا أحد

3- التسرع بأخذ القرار ...

4- البعض منهم يخافون من المواجهه ... في بعض الحالات التي تستدعي أن تدافع فيها عن نفسها

5- يتقيدون بالموضه ... ويقلدون تقليد أعمى للأشيا الي تظهر هالأيام سواء كانت اشيا لها معنى أو لا

6- البعض منهم لا يعرف الطبخ ... الخ

7- البنات يبجون بسرعه ... ماعندهم الا البجي ... لووووول



تفكرين بالمستقبل؟


أكيد ... طبعا

تخافين من المجهول؟


اي طبعا وفي أحد مايخاف منه ...

تخططين ليومج؟


أحيانا ً


تخططين لمستقبلج؟


طبعاً ... اي

شنو المشروع التجاري اللي ودج تسوينه؟


تصميم الأزياء ... محل للأزياء .. فساتين السهره والدراعات الراقيه


تعيشين احلاام اليقظه ؟


أحيانا ....


هل انتي مسرفه؟


لا أبد ما أحب الاسراف ... أحب الاعتدال في كل شي ... خاصة الأكل


شرايج بمستوى ثقافة ابناء الخليج؟


والله يعني .... مو الكل مثقف وبعد ماظلم البعض منهم ... لأن فيهم المثقفين الي لديهم وعي وادراك وثقافه عاليه ... وشهادات ودراسات عليا .. ويحبون القراءه بس ترا الأغلبيه مالهم بالقراءه ... لهم بالطلعات والتسوق ... والموضه ... اي ... بس ثقافه .. لا ... والبعض منهم مثقف طبعا


تحبين القراءه؟


اي أحب القراءه ... أحب أقرأ كتب شيقه مثل عن عبدة الشيطان ... مثلا ... الجن ... كتب قصص الجريمه ... أشهر الجرائم عبر التاريخ ... الخ


شرايج ب د.فوزيه الدريع؟


الصراحه حبوبه وطيبه وتساعد الناس ... ماشاء الله عليها ... كفوووو والله .. ونعم النساء ... أحسها تساعد على تطوير المجتمع وحل المشكلات الي فيه .. سواء الشخصيه أو العامه .. انسانه مثقفه تثقيف عالي ... ومحترمه جداً ... أنا عن نفسي أحبها


تحبين الوحده؟


طبعا لا ... منو يحب الوحده الحين .. الصراحه الوحده تضيق الخلق عشان جذي أحاول أقعد مع الأهل أكثر من أني أقعد بروحي


ندمتي على شي بحياتج؟


يعني ... اي ... في أشيا ندمت عليها فحياتي ... وأشيا لا أبد .. ماندمت عليها


تصلين الفجر؟


اي أكيد لأني أنا نفسي أقعد من خمس الفجر أصلا أقعد على صوت الأذان وهذا قعدتي الين أنام بالليل ... وعلى طول طبعي أقعد مبجر


تحبين الملابس الكاجول ولاا الكلاسك شيك؟


طبعا الاثنين لأن لكل منهم حاله خاصه ... يعني لما أقعد بالبيت ألبس كاجول .. وبأوقات لما أزور أحد صديقاتي ألبس كاجول جينز .. ولما أطلع لصديقاتي بجمعه وعزيمه أو لما أروح لمكان راقي فيه ناس غرب أو غيره لا ... هنا أحب ألبس الكلاسيك شيك مع الاكسيسوريز ... الاكسسوارات الي تكون مناسبه ... وناعمه أو حسب اللبس صراحه .. أوقات ألبس تراجي بدون عقد وأوقات ألبس تراجي صغيره مع عقد طويل ... الخ ... حسب المناسبه



اكثر شي تشترينا من السوق؟


لوووووووول ... اللبس والميك آب .. والنعل حسب المناسبه على فكره بعد ... لان أوقات أحتاج أتسوق لعرس معين عندي مثلا عرس صديقتي ... فأشتري الأغراض الي أحتاجها للفستان ويكون التسوق بهذه الحاله للعرس فقط مثلا ... أوقات لا .. أتسوق لأن عندي عيد ميلاد صديقتي مثلا ... أو اذا نقصني شي لمناسبه معينه .. من ميك آب وغيره أروح أشتري ... منها تغيير جو ومنها أتسوق وأشتري الشي الي قاصرني .. أنا طبعي ما أحب أطلع أتسوق بدون معنى لأني ماحب أطلع من البيت كثير ...




شكرا لج على الأسئله وبالعكس استمتعت بأسالتج ... ماثقلتي علي ولا شي .. وحياج الله ... نورتي .. ياقلبي ... فديتج






شكرا لكم كلكم ماقصرتوا الصراحه .. كل الأعضاء ماقصروا ... ليتل برنسس وعتبي والبنعلي 100% وضياء القمر تسلمون

البنعلي100%
10-02-2009, 08:46 PM
اشكر كل من تفاعل بالموضوع ويعطيكم الف عافيه جميعاً

السامر
14-02-2009, 12:10 AM
السلام عليكم ورحمة الله وبركاته

عندي 3 اسئله

وإن شاء الله ماتملين منهم يا بنت الشيوخ


1 بطاقتج الشخصية:
الحالة الاجتماعيه
عدد الأخوان والأخوات في اسرتج
جامعيه او لا (إذا اي .... شنو التخصص)

2 أحلى مطعم رحتي له وشنو كانت الوجبه

3 أحلى هديه اوصلتج وشنو


شكرا

ويعطيج العافيه اختي

بنت الشيوخ
16-02-2009, 09:10 AM
وعليكم السلام ورحمة الله وبركاته







أهلا وسهلا بك السامر .. وبالعكس ما أمل أبد .. واسالتك خفيفه وحلوه وراح أرد على أسالتك وانشاء الله يعجبك ردي :





1- بطاقتج الشخصية:



الحالة الاجتماعيه :




احترت في هذا السؤال المطلوب بالضبط بس عن نفسي راح اقولك كل شي بهذا الخصوص ..


الحاله الاجتماعيه المعيشيه :



ميسورة الحال .. الحمد لله .. في خير ونعمه ...


الحاله الاجتماعيه الشخصيه .. ( متزوجه أو عزباء أو مطلقه أو أرمله ) ؟ :-



عزباء



عدد الأخوان والأخوات في اسرتج :



عندي من الأخوان الذكور اثنان وأخت واحده


المجموع أربعة أبناء


أخوين وأختين .. وأنا البكر






جامعيه او لا (إذا اي .... شنو التخصص) :




طبعا كنت جامعيه .. بس لم أكمل الدراسه الجامعيه .. جاني اكتفاء ذاتي من الدراسه .. مالي رغبه أدرس




يوم الي درست بالجامعه ... كنت في البدايه .. في خدمه اجتماعيه .. وبعدها حولت لجامعه ثانيه .. ورحت بتخصص آخر وهو بزنيس انفورمتك .. شي في البيزنيس ويختص في نفس الوقت بالكمبيوتر .. الخ ...




2 - أحلى مطعم رحتي له وشنو كانت الوجبه





في بالي مطاعم كثيره وحلوه .. بس احلى مطعم (( المطعم الايطالي بمجمع السيف )) وجبتي :

البيتزا بالجبنه والصلصه .. الباستا .. أصابع الموزوريلا بالبقصمات .. أحلى شي عندي الصراحه


مطعم آخر وهو آبل بيز .. الوجبه حسب مدري بكل مره تختلف


مطعم آخر ... مطعم ايلي سويت .. تابع لفندق .. روعه .. حلو كثير .. الوجبه .. الأكلات اللبنانيه

( الكبه / الكباب / الحمص / السلطات اللبنانيه / المشويات عموما / .. الخ .. والأغاني اللبنانيه .. فيروز ... أنا أحب المطاعم الي من هذا النوع .. مطعم راقي وفاخر


الأبراج ... الاسباقيتي باللحم المفروم .. أو الباستا عموما باللحم المفروم .. المشويات بالأرز الأبيض .. أو دجاج كيف


جيليز .. وجبتي .. جاكت بوتيتو أو الباستا



مطعم وكوفي شوب .. واتر ليمون : الآيسكريم والكعك مع المشروب الغازي بالتوت والفراوله والخوخ والريد بول .. ميكس


لو أعدد لك .. تراهم كثير وفي بعضهم أدخلهم وماعرف أسمهم .. أهم شي .. نستانس ونفرفش ونأكل ونعلق ونضحك ونطلع





3 - أحلى هديه اوصلتج وشنو




الى حد الآن أحلى هديه ... (( عطر قوتشي وجفنشي )) من أمي


مبلغ وقدره ـــــــــــــــــ ... هديه من أمي










شكرا لك السامر على هذه الاسئله .. حياك الله .. نورت














تحياتي :glasses2: